Туристік бум? Қазақстандық қонақ үйлер 3 айда 43 миллиард табыс тапты

2023 жылдың бірінші тоқсанында қазақстандық қонақүйлер 43 миллиард теңгеге жуық табыс тапты. Қаңтардан наурызға дейін оларда 228 мың шетелдік қонақтар ғана болды. 

Мәдениет және спорт министрлігінің баспасөз қызметінің мәліметінше, 2022 жылдың алғашқы үш айында еліміздегі қонақүйлер 26,3 миллиард теңге алды. Кірістер өткен жылдың сәйкес кезеңімен салыстырғанда 2023 жылы 1,6 еседен астам өсті. 

Жыл басында Қазақстандағы қонақүйлердің саны 4 мыңды құрады, олардың жалпы сыйымдылығы-203 мың орын.

«Ішкі және шетелдік» туристер санының артуымен қонақ үй қызметтерінің көлемі де өсті. Мысалы, жаздың басынан бастап біздің елге келетін шетелдіктердің саны 2022 жылдың сәйкес кезеңімен салыстырғанда 3 есеге  өсті. 

Қытайдан-8,5 есе, Үндістаннан – 4,7 есе, Оңтүстік Кореядан – 3,8 есе, Ираннан – 3,8 есе, Германиядан – 3 есе, АҚШ – тан-2,2 есе", - деді Мәдениет және спорт министрлігінің баспасөз хатшысы Мөлдір Абдуалиева.