Қазақстан Республикасында туроператорларға қойылатын талаптар кеңейтілді
Қазақстанда туристік оператор қызметіне қойылатын біліктілік талаптары кеңейтілді. Тиісті бұйрықты Туризм және спорт министрлігі жариялады.
Бұйрыққа сәйкес біліктілік талаптары мыналарды қамтиды:
- Қалыптасқан туристік өнім. Растау – қалыптасқан туристік өнімге кіретін жеке туристік қызметтерді көрсетуге үшінші тұлғалармен жасалған шарттар туралы мәліметтер;
- Туристік білімі бар және кемінде бір жыл жұмыс өтілі бар кемінде бір қызметкердің болуы;
- Меншік құқығындағы немесе өзге де заңды негіздегі қызметтік үй-жайлар;
- «Қазақстан Республикасындағы туристік қызмет туралы» Қазақстан Республикасы Заңының 27-3-бабы 1-тармағының 1) тармақшасына сәйкес Қазақстан Республикасының туризмі саласындағы операторлар екінші деңгейдегі банкімен жасалған банктік кепілдік шартының болуы.
Бұйрық 2024 жылғы 6 ақпанда күшіне енеді.
Еске сала кетейік, бұған дейін Tez.kz туроператоры өз қызметін тоқтатқаны туралы хабарлаған болатын. Кейін ҚР Туризм және спорт министрлігі бұл туроператордың барлық туристері Қазақстанға қайтарылады деп сендірді.
Жаңалықтар
