Президент топтық турлар үшін визасыз режиммен "Жібек жолы" туроператорларының тізілімін құруды ұсынды
Қытайдан келген туристер бір тур барысында бірден Орталық Азияның бірнеше еліне бара алады, деп атап өтті Мемлекет басшысы.
Қазақстан Президенті Қасым-Жомарт Тоқаев топтық турлар үшін визасыз режимі бар "Жібек жолы" туроператорларының тізілімін құруды ұсынды.
"Орталық Азия – Қытай" саммитінде Мемлекет басшысы тығыз адами байланыстар біздің мемлекетаралық байланыстарымыздың дамуында маңызды фактор болып табылатынын атап өтті.
"Бұл мақсатқа Қазақстан мен Қытай арасындағы 30 күн мерзімге визалық талаптардан өзара босату туралы үкіметаралық келісімге қол қою жауап береді. Бұл маңызды келісім елдеріміз арасындағы іскерлік байланыстар мен туристік ағындардың кеңеюіне ықпал ететініне сенімдімін. Орталық Азия бай мәдениетке, әдемі табиғатқа және қытайлық туристер үшін қызықты болуы мүмкін ерекше көрікті жерлерге ие. Топтық турлар үшін визасыз режимі бар "Жібек жолы" туроператорларының тізілімін құруды және бірыңғай туристік кластер құруды ұсынамын. Бұл Қытайдан келген туристерге бір тур барысында бірден Орталық Азияның бірнеше еліне баруға мүмкіндік береді", - деді президент.
Ол мәдени-гуманитарлық байланыстарды нығайтуға өңірлер арасындағы ынтымақтастық, атап айтқанда, тығыз байланыстағы туыстас қалалар институтын дамыту өз үлесін қосатынын айтты.
"Кеше біз Шымкент пен Сиань қалалары, сондай-ақ біздің өңірлеріміз - Солтүстік Қазақстан облысы мен Шэньси провинциясы арасында ресми түрде бауырластық байланыс орнаттық. Сиань қаласында Қазақстанның Бас консулдығы ашылады. Сонымен қатар, ғылым мен білім саласын дамыту, елдеріміздің жастары арасында байланыс орнату маңызды. Сондықтан біз білікті кадрларды жүйелі даярлауға және адами капиталды дамытуға ерекше мән береміз. Осы кезеңде Қазақстанда әлемнің жетекші техникалық университеттерінің филиалдарын ашу бойынша белсенді жұмыс жүргізуде",-деп атап өтті Қасым-Жомарт Тоқаев.
Жаңалықтар
