Әлемдегі ең үздік әуе компанияларының бірі Қазақстанға рейстер ашуды жоспарлап отыр
Emirates Airlines Қазақстанға рейстер ашу мәселесін қарастыруда, - деп хабарлайды ҚР Көлік министрлігінің Азаматтық авиация комитеті.
Компанияның Қазақстанға рейстері 2024 жылдан бастап ашылуы мүмкін екені атап өтілді.
"Азаматтық авиация комитетінің төрағасы Талғат Ластаев Иран және Орталық Азия бойынша аймақтық менеджері Мұхаммед Салим Әлхамади мырза бастаған Emirates әуе компаниясының өкілдерімен кездесті. Кездесу барысында өкілдер әуе компаниясының Қазақстанға 2024 жылы рейстер ашуды жоспарлап отырғанын хабарлады. Рейстерді ашу уақыты Boeing 787 және Airbus A350 ұшақтарын жеткізуге байланысты», - делінген хабарламада.
Бұл ретте Қазақстан мен Біріккен Араб Әмірліктерінің авиациялық биліктері арасындағы келісімдерге сәйкес елдер арасында «ашық аспан» режимі жұмыс істейді, оған сәйкес авиакомпанияларға, бағыттарға, ұшу жиілігіне қатысты ұшуларды орындауға және ұшақтың сыйымдылығына шектеулер жоқ.
«Кездесу нәтижесінде тараптар біздің елде Emirates әуе компаниясының рейстерін ашу мақсатында ынтымақтастықты жалғастыруға келісті», - деп қосты ҚГА.
Әуе компаниясының паркі 226 ұшақтан тұрады. Өткен жылы Emirates 43 миллионнан астам жолаушы тасымалдаған. Emirates әлемдегі ең жақсы әуе компаниялары рейтингінде төртінші орында.
Жаңалықтар
