Мирас Төлебаев туризм және спорт вице-министрі болып тағайындалды
Мирас Төлебаев Туризм және спорт вице-министрі болып тағайындалды, - деп хабарлайды Tengrinews.kz.
«Қазақстан Республикасы Үкіметінің қаулысымен Төлебаев Мирас Қалиұлы Туризм және спорт вице-министрі қызметіне тағайындалды», - делінген хабарламада.
Тағайындалғанға дейін Төлебаев мәдениет және спорт министрлігі Туризм индустриясы комитеті төрағасының орынбасары болған.
Мирас Төлебаев 1986 жылы Қостанай облысында дүниеге келген. Рысқұлов атындағы Қазақ экономикалық университетін, Сәтбаев атындағы Қазақ ұлттық техникалық университетін, Президент жанындағы Мемлекеттік басқару академиясын бітірген.
Еңбек жолын 2008 жылы Халықаралық қорғаныс шекара маңы ынтымақтастығы орталығында бас маман болып бастаған.
2009-2010 жылдары — "Хоргос" халықаралық шекара маңы ынтымақтастық орталығы департаментінің бас маманы, бас менеджері.
2010-2011 жылдары — мұнай және газ өнеркәсібі бас диспетчерлік басқармасы департаментінің бас сарапшысы, энергетика және минералдық ресурстар министрлігі Мемлекеттік энергетикалық қадағалау Комитеті басқармасының 1 санатты сарапшысы, Индустрия және жаңа технологиялар министрлігі Өнеркәсіп комитеті басқармасының бас сарапшысы.
2012-2014 жылдары-мұнай және газ министрлігі Мұнай-газ кешеніндегі инспекция Комитеті басқармасының бас сарапшысы.
2014-2015 жылдары Қызылорда облысының индустриялық-инновациялық даму басқармасы басшысының орынбасары болып жұмыс істеді.
2015-2016 жылдары-Қызылорда облысының кәсіпкерлік және туризм басқармасының басшысы.
2016-2017 жылдары жеке құрылымдарда жұмыс істеді.
2017 жылы-елорданың тұрақты даму орталығы директорының орынбасары.
2017 жылдан 2022 жылға дейін — мәдениет және спорт министрлігі Туризм индустриясы комитеті басқармасының басшысы.
Жаңалықтар
