«Шипагер» санаторий-сауықтыру кешені 2001 жылдан бері жұмыс істейді. Ақтөбе облысында екі филиалы бар.

Кешен буын ауруларының (артрит, артроз, полиартрит), омыртқа ауруларының (остеохондроз, протрузия, омыртқааралық жарық), тыныс алу жолдары, жүйке жүйесі және урологиялық аурулардың алдын алу мен оңалту еміне маманданған.

«Шипагердің» басты ерекшелігі – Ақтөбе облысындағы жеке тұзды көлден алынатын табиғи лаймен емдеу. Сонымен қатар парафинмен емдеу, емдік массаж, тұз шахтасы, ингаляция, емдік ванналар, емдік душтың түрлі түрлері және омыртқаны су астында созу процедуралары ұсынылады.

Инфрақұрылымы:

- Алға филиалы: 110 орынға арналған. Емдеу корпусы, жатын бөлмелер, асхана, спорт залы және серуендеуге арналған аумағы бар. Жақын маңда бассейн, стадион және қалалық саябақ орналасқан.

- Ақтөбе филиалы: 50 адамға дейін қабылдайтын заманауи емдеу блогы, 22 орындық жатын бөлмелері, асхана және серуендеу аумағы бар. Жақын жерде жабық базар орналасқан.