Бөкенбай батыр ескерткіші
Бөкенбай батыр ескерткіші

Ескерткіш Бөкенбай батырға арналған және оның қазақ тарихындағы орнын есте сақтайды.

Бөкенбай Қараұлы, тарихи деректерде Бөкенбай Қарабатырұлы деп те аталады, 1667 жылы қазіргі Ақтөбе өңірі аумағында дүниеге келген. Ол — XVIII ғасырдағы қазақ халқының жоңғар шапқыншылығына қарсы күресіндегі даңқты қолбасшылардың бірі, ел бірлігін сақтауға күш салған батыр, саясаткер және мемлекетшіл тұлға.

Ескерткіштің ашылуы: Бөкенбай батыр ескерткіші 2019 жылғы 15 маусымда Ақтөбе қаласының 150 жылдық мерейтойына орай салтанатты түрде ашылды.


Ескерткіштің сипаттамасы: Ескерткіште Бөкенбай батыр жылқы үстінде байрақ ұстап тұрған айбынды қолбасшы бейнесінде сомдалған. Ат үстіндегі мүсін батырдың жауынгерлік рухын, қолбасшылық беделін және елді соңынан ерте білген тарихи тұлға ретіндегі болмысын көрсетеді.

Мүсін бес қатарлы шеңбер табанның үстіне орнатылған. Шеңбердің жалпы ұзындығы — 41 метр. Тұғыры темір-бетоннан жасалған, ұзындығы — 8,8 метр, ені — 4,2 метр. Ескерткіштің артқы жағында ортағасырлық қамал стилінде орындалған барельеф орналасқан. Барельефтің ұзындығы — 37 метр, биіктігі — 6,6 метр.

Ескерткіш мүсінінің биіктігі — 5,98 метр. Тұғырының биіктігі — 5,4 метр. Екі қабатты баспалдақтың биіктігі — 2,7 метр. Ескерткіштің жалпы биіктігі — 13,98 метр.


Мүсінші: Ж. Жұбанқосов.


  • Бөкенбай батыр көшесі
Построить маршрут Бөкенбай батыр ескерткіші
Тағы қараңыз