Шалқар көлі - Ақтөбе облысының Шалқар ауданында, Шалқар қаласының оңтүстік-батыс бөлігінде орналасқан тұзды-ащы көл. Көл Мұғалжар тауларынан бастау алатын Қауылжыр өзенінің суы есебінен толығып отырадыТеңіз деңгейінен биіктігі 167,0 м. Ауданы 5,65 – 7,9 км2, Ұзындығы 7,0 км, ең енді жері 1,8 км. Солтүстік және солтүстік-шығыс жағалауы жазық, қалған бөлігі жарлауытты. Көл Ескі Шалқар көлімен бір қазаншұңқырда жатыр. Ертеректе екеуі суы ащы бір көл болған, 1937 жылы тас-бетон бөгет арқылы көл екіге: солтүстік-шығыс тұщы (Шалқар көлі) және оңтүстік-батыс ащы (Ескі Шалқар көлі) көлдерге бөлініп қалды.