Тархан Есет Көкіұлының кесенесі мен қорымы Ақтөбе облысы Алға ауданы Бестамақ ауылында орналасқан.
Тарихи–мәдени мұра ескерткіші - халықта "Есет батыр" атанған Отан қорғаушыға құрмет. Жоңғарлар мен Еділ қалмақтарымен күрестің белсенді қатысушысы, Әбілқайыр ханның жақын серіктерінің бірі.
Кесене 1992 жылы Есет батырдың 325 жылдығын мерекелеу аясында салынған. Кесене Маңғыстаудан әкелінген қызғылт ұлутастан тұрғызылған. Кесененің биіктігі-11 метр, ені-5 метр. Кесененің сәулеттік келбеті киіз үйді еске түсіреді, сондықтан бұл жерлерде өткен саяхатшыға алыстан көрінеді. Кесене авторы - Т.Жанысбеков. Сондай-ақ, кесенеде қажыларға арналған мұражай мен қонақ үй жұмыс істейді.