Ақтөбе ферроқорытпа зауыты

Ақтөбе ферроқорытпа зауыты - өндірістік қуаты жылына 740 мың тоннадан астам ферроқорытпаны құрайтын заманауи, тұрақты дамып келе жатқан кәсіпорын. "Қазхром" ТҰК" АҚ бөлімшесі болып, Қазақстандағы алғашқы қара металлургиялық кәсіпорын болып табылады. Зауыт 1943 жылы іске қосылды.
Зауыттың құрамында 2 балқыту цехы, қождерді өңдеу цехы және қосалқы цехтар бар. Кәсіпорынның ең жаңа бөлімшесі - 2014 жылы іске қосылған № 4 балқыту цехы. Мұнда Қазақстан үшін ғана емес, әлемдік ферроқорытпа саласы үшін де бірегей тұрақты ток пештерінде балқытудың инновациялық технологиясы қолданылады. Цех жоғары көміртекті феррохром өндірісі бойынша әлемдегі ең қуатты (72 МВт) тұрақты ток пештерімен жабдықталған. Бүкіл өндіріс процесі мүмкіндігінше автоматтандырылған. Өндірістік шешімдері ферроқорытпалық газ және шаңды жоюға мүмкіндік береді. Пештерде отандық шикізат — ұсақ кендер мен көміртекті тотықсыздандырғыштар қолданылады.
АЗФ өнімдерінің 99% әлемдік нарыққа шығып, әлемнің барлық елдеріне жөнелтіледі.