Ана-балаларын шексіз сүйіспеншілік пен қамқорлыққа бөлеп жүрегінің нұрын төксе де, ересек болып анадан алыстаған сәтте, баланы қоғам өзінше тәрбиелейді, орта оның санасын қалыптастырады. Иә, бауырлар неге алыстады, ананың шексіз махаббатын неге сағынды, неге бір-біріне жат болып, суық қарым-қатынас ұлғайды? Кенет ананың айықпас дертке шалдыққаны белгілі болған сәтте, таңдау кімге жүктелді, шешімі қалай және ағайын бір-біріне қалай қолдау көрсету керектігін анықтауы тиіс. Осы қиын-қыстау кезеңде олардың қайсысы науқас анаға қамқор бола алады? Міне осы сұрақтар, спектакльдің негізгі өзегі болмақ.